Kosningar og reglur.....

Já ég er enn að spekúlera í þessu með kosningarnar - Ómar Ragnarsson hefur komið ítrekað fram og kvartað yfir því kerfi sem að er í gildi núna þegar þingmenn eru kosnir inná þing....

Ég get svo sem verið sammála um það að eitthvað þarf að hrista upp í kerfinu sjálfu og reyna finna einhverja réttlátari lausn og eftir viðtölum að dæma við forsvarsmenn flokkanna þá virðist vera sátt um það að nú þurfi að breyta.

Það er mikið talað þessa dagana eins og þetta hafi alfarið bitnað á stjórnarandstöðunni en svo er nú ekki.....Sigurður Kári þingmaður Sjálfstæðisflokksins kemur réttilega að þessu í bloggi sínu í dag...

Úrslit alþingiskosninganna í einstökum kjördæmum varpar ljósi á nauðsyn þess að kosningakerfið sem unnið er eftir verði tekið til endurskoðunar.

Þetta kemur fram með hvað skýrustum hætti þegar skoðað er hvaða þingmenn náðu kjöru í Reykjavíkurkjördæmi-norður.

"Í kosningunum hlaut Sjálfstæðisflokkurinn 36,4% greiddra atkvæða og 4 þingmenn kjördæmakjörna.  Samfylkingin hlaut 29,2% greiddra atkvæða eða 7,2% minna en Sjálfstæðisflokkur.  Engu að síður hlýtur Samfylkingin 5 þingmenn í kjördæminu, einum fleiri en Sjálfstæðisflokkur.  Af þessum 5 þingmönnum voru 3 kjördæmakjörnir en 2 hlutu kosningu sem jöfnunarmenn.  Enginn jöfnunarmaður féll Sjálfstæðisflokknum í skaut í kjördæminu.

Þessi niðurstaða er með býsna miklum ólíkindum.  Það er furðulegt að Samfylkingin sem fær mun lakari kosningu en Sjálfstæðisflokkurinn skuli engu að síður fá fleiri þingmenn kjörna en Sjálfstæðisflokkurinn í kjördæminu".

Hér er mynd af Sjálfstæðis-goðinu mínu

Hvernig gat Samfylkingin orðið sigurvegari í kosningunum ?

Mig finnst það alltaf jafn skrýtið og spaugilegt þegar ég horfi á kosningarsjónvarpið - kosningu eftir kosningu....það er einhvern vegin þannig að alltaf þegar fomenn og þingmenn hvers stjórnmálaflokks koma í viðtöl þá lýsa þeir alltaf yfir að þeirra flokkur hafi náð undraverðum árangri miðað við hitt og þetta - þrátt fyrir að flokkurinn hafi jafnvel tapað þingmönnum.

Þetta kom fram í sjónvarpinu í nótt ítrekað þegar rætt var við forsvarsmenn Samfylkingarinnar.

Ég á það til að horfa á þetta alltaf sem íþróttamaður - og íþróttamenn fagna ekki sigri þó svo þeir hafi rétt svo tapað leik 0-1   -- tap er tap.

Samfylkingin fagnaði að ná frábærum úrslitum miðað við skoðanakannarnir sem gerðar voru fyrir tveimur vikum - þrátt fyrir það missir flokkurinn tvo þingmenn

íþróttamaðurinn flokkar þetta sem 0-2 TAP 

Einhvernvegin held ég að ríkisstjórnin hefði ekki fagnað sigri hefðu úrslitin orðið eins og skoðanakönnun Capacent sýndi á myndinni hér fyrir neðan rétt fyrir neðan kosningarþ

Eurovision - austantjaldsþjóðirnar - þulurinn

Jæja þá er eurovision draumurinn úti í enn eitt skiptið....nú er svo komið að ég er að hætta nenna horfa á þetta. Lagið og flutningurinn var landi og þjóð til sóma í dag en naut greinilega ekki mikilla vinsælda hjá þjóðum evrópu.

Það er reyndar skítalykt af þessu öllu þar sem að bara austantjaldsþjóðir komust áfram.....en það þýðir ekkert að svekkja sig á því heldur bara horfa fram á við og finna einhverja lausn til þess að komast áfram næst....´

Ég er með lausnina.....nú þegar landið er orðið hálf fullt af pólverjum og öðrum austantjaldsbúum er þá ekki bara réttast að sjóða saman í eitt band á þeirra vegum og senda þá fyrir okkar hönd að ári ????

Svo verð ég nú líka aðeins að kommentera á þulinn okkar hann Sigmar. Sigmar er í uppáhaldi hjá mér sem sjónvarpsmaður...skemmtilegur og lifandi. En í kvöld náði hann sér alls ekki á strik....gerði lítið úr hverri þjóðinni og flytjandanum hverjum á fætur öðrum...TIL HVERS ?

En það er ljóst að maður fylgist náið með kosningarsjónvarpinu á laugardaginn....maður nennir ekki einhvernvegin að horfa á eurovision án þess að hafa íslendinga þar með í spilunum.

X-D kveðja

Forsetinn

Kona í vesturbænum bannar manni sínum að fá sér mótorhjól....

Það vill svo til að einn af mínum vinum er núna þessa dagana að klára námskeið á vegum lögreglunnar sem gefur honum réttindi til þess að verða "mótorhjólalögga".

Sá hinn sami var í viðtali á mbl.is fyrr í dag - og þar kemur skýrt fram að konan hans bannar honum að fá sér mótorhjól.....maðurinn er heljarmenni, á 180 kg í bekk, ryðst inn í hús þar sem glæpamenn venja komur sínar berst við allan óþjóðalýð landsins.....

EN BUGAST SVO ÞEGAR HEIM ER KOMIÐ - ÞAR SEM KONAN ER "KÓNGURINN" Á HEIMILINU....

Þetta er sjálfsagt eitthvað sem að all margir karlmenn búa við....en að viðurkenna það í fjölmiðlum - ég set spurningarmerki við það :-)

http://mbl.is/mm/frettir/frett.html?nid=1267831

Besti dagur ársins...

Dagurinn í dag er besti dagur ársins...ekki spurning...

Einn minn allra allra besti vinur er búinn að vera berjast við krabbamein í ansi langan tíma...

Í dag vann hann stóran sigur í baráttunni - vonandi fullnaðarsigur - en hann fékk niðurstöður úr mælingum og tékkum sem tekin voru eftir allar þær lyfja og geislameðferðir sem hann hefur farið í á undanför

Kæri vinur.........til hamingju með þetta...betri fréttir er ekki hægt að fá.

Good morning mr.evening

Já loksins er komið að því.......b.sig er búinn að gefa út sýna fyrstu plötu.

En hver er b.sig....???

b.sig er enginn annar en Bjarki Sigurðsson, ljóshærður hnokki úr Efstasundinu. Bjarki er frábær tónlistarmaður, frábær einstaklingur og bara topp gaur....en nýja platan hans - fyrsta platan hans "good morning mr.evening" er hrikalega góð.... Ljúfir tónar - skemmtilegir textar og bara allveg hrikalega góð plata....

Platan hefur m.a. fengið þessa dóma...

“Hvað er hægt að segja, þetta er FRÁBÆR plata !”

                                                                        -KK

“Það sem skiptir máli við þessa plötu er að örgustu fýlupúkar munu brosa og stífustu staurfætur dilla sér með. Flott lög og spilagleðin skín í gegn og smitar mann um leið. Gæti verið uppgötvun ársins !”

                                                                        -Óttarr Proppé

Platan Good morning, mister Evening, mun fást í verslunum Pennans, Eymundsson og Máls&Menningar um land allt frá og með morgundeginum.

Kíkið á heimasíðuna hans....

bsigmusic.com

Áfram West Ham ...

Einkennilegt hvað þjóðernisstoltið hellist alltaf yfir mann þegar íslendingar taka þátt í einhverju.

Ég er gallharður Man Utd aðdáandi og hef haldið með þeim frá því ég var tólf ára gamall en þá tók ég þá miklu ákvörðun um að Man Utd væri mitt lið í enska boltanum. Sama ár skipti ég reyndar yfir úr Víking í Val - eitt af mínu stærstu gæfusporum í lfíinu "so far"

En núna er maður farinn að fylgjast með West Ham alla daga og vonar virkilega að þeir nái að forða sér frá falli - bara af því að íslendingar tengjast liðinu. Fyrir nokkrum mánuðum hefði mér ekki getað staðið meira á sama hvort West Ham félli um deild eða ekki.....

En svona er þetta nú bara....þannig að ég segi bara áfram West Ham og get einbeitt mér að þeirra málum þar sem að við United menn erum svo til orðnir meistarar.....

Deildarmeistarar 2007 ???

Það er ótrúlegt keppnisfyrirkomulagið hjá HSÍ þessa dagana....

Að bjóða uppá "deildarmeistarakeppni" rétt á eftir lok íslandsmótsins ?????

Það eru sjálfsagt margir sem að hugsa að ég sé að skrifa þetta sem særður valsmaður eftir stórt tap í Garðabænum í gærkvöldi - en svo er ekki.

Hvernig á að vera hægt að rífa upp stemmingu hjá nýkrýndum ísl-meisturum fyrir svona "firmamót" ?

Menn eru kannski ekki sammála mér og segja að góð lið eigi alltaf að getað peppað sig upp í alvöru keppni....en það virtist ekki hafa heppnast hjá mínum mönnum í ár frekar en strákunum úr Safamýri í fyrra.

Engumtreysti ég betur í að koma sínu líðið í rétta keppnisformið/keppnisskapið en honum vini mínum Óskari Bjarna hjá Val - og þar sem að ég hef mikla trú á Guðmundi Guðmundssyni sem þjálfara þá lenti hann einnig í þessari aðstöðu í fyrra þegar þáverandi ísl-meistarar "skitu" á sig í undanúrslitum deildarbikarsins....hvað er þá að ? Metnaðarleisi leikmanna eða engin virðing fyrir þessu móti ?

En þetta mót verður með öðru sniði á næsta ári - sem betur fer - þó svo það sé mitt álit að þetta mót eigi bara ekki að eiga sér stað.

Ég er guppy-nörd

Já gott fólk ég hef bara ákveðið að viðurkenna það

ÉG ER GUPPY-NÖRD

Hvern hefði grunað það að maður eins og ég myndi forfallast í að rækta guppy fiska ?

Ég veit ekki hvað skal segja en staðreyndin er sú að þetta er orðið eitt af mínum uppáhalds hobbyum....það er eitthvað við þetta sem ekki er hægt að útskýra fyrir þeim sem ekki hafa áhuga á skrautfiskum - en ég er þó búinn að opinbera mig og get því haldið ótrauður áfram í þessu furðulega áhugamáli mínu...án þess að vera með það í leyni

Hraðamælingar lögreglu - má lögreglan vera í felum ?

Það er oft spurt hvort lögreglan megi eða megi ekki vera í felum við hraðamælingar. Í dag birtist svar við þessu á Vísindavefnum - greinagott og hárrétt svar að mínu mati.

Upphafleg spurning í heild var sem hér segir:

Er lögreglumönnum við umferðareftirlit (radarmælingar) heimilt að "liggja í leyni" ljóslausir og jafnvel utan vega, eða jafnvel í hvarfi við útihús á bóndabæjum?

Það er meginregla í löggæslustörfum hér á landi og hluti af forvarnarstarfi lögreglunnar að hún sé sýnileg í hvívetna, ekki síst þegar verið er að sinna skyldustörfum. Þetta er meginregla sem á við um öll störf sem fela í sér einhverskonar eftirlit, hvort sem um er að ræða leikskólakennara eða fangavörð.

Um starfsemi og reglur lögreglumanna gilda almenn lög, hin svokölluðu lögreglulög, nr. 90 frá árinu 1996. Þetta eru nokkuð almennt orðuð ákvæði og eru þá frekar almennar vísireglur en skýrt skorðaðar reglur um hvert og eitt atvik sem lögreglan þarf að fást við. Almennustu vísireglurnar um skyldur lögreglumanna er að finna í III. kafla þessara laga, nánar tiltekið 13. gr., og segir þar meðal annars í 1. mgr.: „Handhafa lögregluvalds ber að sýna árvekni í starfi sínu og kunna glögg skil á skyldum sínum og þeirri ábyrgð sem starfinu fylgir.“

Samkvæmt almennum lögum um lögreglusamþykktir nr. 36 frá árinu 1988 skulu settar lögreglusamþykktir fyrir sveitarfélög hér á landi. Ekki er beinlínis kveðið á um starfsreglur lögreglumanna heldur um þá hluti sem lögreglunni er heimilt að hafa afskipti af til að viðhalda almennu velsæmi og allsherjarreglu.

Á sviði löggæslu, eins og á öðrum sviðum í atvinnulífinu, myndast venjur og starfshættir sem eru ekki bundnir í lögum eða reglugerðum heldur almennt viðurkenndar venjur sem geta verið jafnréttháar lögum og jafnvel þokað settum lögum ef því er að skipta.

Lögreglumönnum eru ekki lagðar neinar sérstakar línur um hvernig þeir eigi að haga hraðamælingum. Þeim er gefinn upp staður sem þeir eiga að fara á til að hraðamæla og fylgjast með umferðinni. Hinsvegar má ætla að tilhögun gatnaframkvæmda, alla vega innanbæjar, auðveldi lögreglumönnum ekki þetta starf. Þrátt fyrir ítrekaðar óskir lögreglumanna um að gert sé ráð fyrir að þeir geti athafnað sig við stórar umferðargötur innanbæjar sem annarstaðar hefur þeim ekki orðið að ósk sinni, þannig að oft getur litið út fyrir að verið sé að reyna að fela lögreglutækin. Í flestum tilvikum er það ekki raunin, enda er eins og áður var sagt ekki gert ráð fyrir lögreglutækjum við akbrautir.

Yfirlögregluþjónar gefa fyrirmæli til lögreglumanna, senda þá út í löggæslu og segja þeim hvert skuli fara og hvað skuli gera. Meginregla hjá yfirlögregluþjónum við embætti lögreglunnar í Reykjavík er að hvetja lögreglumenn til að vera sýnilegir við störf, til dæmis til að hindra of hraðan akstur, en forvarnir eru er hluti af löggæslunni.

Lögreglumönnum er því ekki bannað að „fela“ sig við löggæslustörf en það er heldur ekkert sem leyfir þeim það beinlínis. Miðað við þær sorglegu fréttir sem berast ár hvert um banaslys í umferðinni sem oft má rekja til ógætilegs hraðaksturs má ætla að það geti verið árangursríkt að gera sem mest af því að stoppa og sekta bensínglaða ökumenn og reyna þannig að hafa áhrif á aksturslag þeirra.