Ásta Lovísa Vilhjálmsdóttir látin

Ég var einn af þeim sem að fylgdistg með baráttu Ástu Lovísu við illvígan sjúkdóm sinn.

Hún greip athygli mína þegar ég las viðtal við hana í DV þar sem hún sagði frá sjúkdómi sínum. Eftir að hafa lesið viðtalið vakti hún mig til umhugsunar þar sem að ég á við sama sjúkdóm að etja og hún atti við þ.e.a.s. ristilsjúkdóm. Það var eins og einhver hefði pikkað í mig og rekið mig í nánari skoðun eftir lestur greinarinnar - því greinin "Ásta Lovísa" kenndi mér að vera ekki kærulaus gagnvart sjúkdómi mínum. Það er skemmst frá því að segja að við þá skoðun fundust breytingar á heilsu minni sem hefðu getað leitt yfir í krabbamein hefði ekki verið gripið inní undir eins. Ég hef því eftir þetta sagt að Ásta Lovísa heitin hafi í raun bjargað lífi mínu. Ég setti mig í samband við Ástu Lovísu og þakkaði henni fyrir það sem hún hafði gert fyrir mig - ókunnug kona sem ég hafði aldrei hitt. Hún gaf sér tíma til þess að svara mér - og í því bréfi kenndi hún mér margt um það hvernig á að lifa lífinu á réttan og jákvæðan hátt. Þetta bréf mun ég geyma og kíkja á til þess að minna mig á hvað það er sem að skiptir mestu máli í þessu jarðneska lífi okkar.

Annan eins styrk og þessi kona hafði hef ég ekki kynnst - styrkurinn og einlægning var engu lík.

Ég votta börnum hennar og fjölskyldu samúðarkveðjur.

Ásta Lovísa Vilhjálmsdóttir látin

Athugasemdir

[Davíð Örn Ólafsson, 30.5.2007 kl. 23:06]

Hún Ásta, vinkona okkar hjóna, er engum lík. Þú ert ekki sá eini sem hún hefur bjargað með sama vandamál. Hef heyrt af fleiri tilfellum. Sjáumst sprækir í sumar að Hlíðarenda.

[Davíð Örn Ólafsson, 30.5.2007 kl. 23:09]

Verð að leiðrétta smá, hún var engum lík

[Vala (IP-tala skráð) 6.6.2007 kl. 16:09]

sæll, má ég spyrja þig .. hvað heitir þessi tiltekni ristilsjúkdómur ?

kveðja, Vala 

[Jón Forseti, 6.6.2007 kl. 23:56]

Colitis Ulcerosa